პანორამა ორბი — გამწვანება ცათამბჯენში

31, 32 და 33 სართულზე მდებარე რესტორანი „პანორამა“ ერთ-ერთი ყველაზე მასშტაბური შიდა გამწვანების პროექტი იყო ჩვენი გუნდისთვის.

მაღალ სართულებზე ბუნებრივი პირობების გათვალისწინება — განათება, ჰაერის ნაკადები და მიკროკლიმატი — ჩვენთვის საწყისი ნაბიჯია. სწორედ აქედან დავიწყეთ ხედვის ფორმირება.

დიზაინის ცვლილების მიუხედავად, წარმატებით დავალაგეთ საერთო ენა ახალ გუნდთან და ყველა ზონა ისე გავამწვანეთ, რომ მცენარეებს კომფორტულად ეგრძნოთ თავი და მოვლის მხრივ მარტივი ყოფილიყო.

საბოლოოდ, „პანორამა“ იქცა სივრცედ, სადაც ფიტო-დიზაინი და არქიტექტურა ჰარმონიაშია — ბუნება ცათამბჯენის გულში.